ຄະນະນໍາເມືອງອາເລື້ອຍ ແຂວງເທື່ອທຽນເຫ້ວ ສສ ຫວຽດນາມ ມາຢ້ຽມຢາມ ເມືອງສະໝ້ວຍ ແຂວງສາລະວັນ

ຄະນະນໍາເມືອງອາເລື້ອຍ ແຂວງເທື່ອທຽນເຫ້ວ ສສ ຫວຽດນາມ ມາຢ້ຽມຢາມ

ເມືອງສະໝ້ວຍ ແຂວງສາລະວັນ


ມື້ນີ້ວັນທີ 26 ສິີງຫາ ປີ 2014 ຜ່ານມານີ້ ທີ່ຫ້ອງປະຊຸມ ຫ້ອງວ່າການປົກຄອງເມືອງສະໝ້ວຍ ແຂວງສາລະວັນ ຄະນະຜູ້ແທນຂັ້ນສູງເມືອງສະໝ້ວຍ ແຂວງສາລະວັນ ມີຈໍານວນ 16 ສະຫາຍ ນໍາໂດຍ ທ່ານ ຄໍາຕາ ໂຮ່ຊົງເລືອງ ເລຂາພັກເມືອງ – ເຈົ້າເມືອງໆສະໝ້ວຍພ້ອມກັນຕ້ອນຮັບ ຄະນະນໍາເມືອງອາເລື້ອຍ ແຂວງເທື່ອທຽນເຫ້ວ ຢ່າງອົບອຸ່ນທີ່ເຕັມໄປ ດ້ວຍຄວາມສາມັກຄີຮັກແພງສະໜິດສະໜົມ  ແລະ ຮ່ວມພົບປະແລກປ່ຽນບົດຮຽນ ໃນການນໍາພາ ແລະ ການຮ່ວມມືກັບຄະນະນໍາເມືອງອາເລື້ອຍ ແຂວງເທື່ອທຽນເຫ້ວ ເຊີ່ງນຳໂດຍ ທ່ານ ໂຮ່ຊວນຕັງ ຮອງ ເລຂາພັກເມືອງ ປະທານຄະນະກໍາມະການປົກຄອງປະຊາຊົນເມືອງ ພ້ອມດ້ວຍຄະນະ.ເພື່ອເພີ່ມທະວີສາຍພົົວພັນ ສາມັກຄີພິເສດ ການຮ່ວມມືຮອບດ້ານລາວ – ຫວຽດນາມ ລະດັບທ້ອງຖິ່ນ ແລະ ປະຕິບັດຕາມບົດບັນທຶກຮ່ວມສອງຝ່າຍ ໄດ້ຕົກລົງກັນໃນແຕ່ລະປີ ໃຫ້ມີການພົບປະແລກ ປ່ຽນນໍາກັນໜື່ງຄັ້ງ.

ໃນບັນຍາກາດ ທີ່ເຕັມໄປດ້ວຍຄວາມສາມັກຄີມິດຕະພາບພິເສດ ຄະນະນຳທັງສອງຝ່າຍ ໄດ້ແຈ້ງໃຫ້ກັນຊາບເຖີງສະພາບເສດຖະກິດ- ສັງຄົມ, ວຽກງານປ້ອງກັນຊາດ – ປ້ອງກັນຄວາມສະຫົງບສຸກ, ວຽກງານກໍ່ສ້າງພັກພະນັກງານ ຕີລາຄາຄືນການພົວພັນຮ່ວມມື ຈັດປະຕິບັດບົດບັນທຶກຊົງຈໍາ ທີ່ຄະນະນໍາທັງສອງເມືອງໄດ້ເຊັນຮ່ວມກັນໃນປີ 2013 ຜ່ານມາ, ສອງຝ່າຍມີຄວາມພາກພູມໃຈເຫັນວ່າ : ໃນໄລຍະປີ ຜ່ານມາສາຍພົວພັນລະຫ່ວາງສອງເມືອງ ມີບາດກ້າວຂະຫຍາຍຕົວທີ່ເພີ່ງພໍໃຈ.

ຈາກນັ້ນທັງສອງຝ່າຍກໍ່ໄດ້ເອກະພາບກັນບາງເນື້ອໃນ ທີ່ຕ້ອງໄດ້ເອົາໃຈໃສ່ຮ່ວມມືໃນຕໍ່ໜ້າຄື :

  1. ສອງຝ່າຍສືບຕໍ່ເອົາໃຈໃສ່ ນໍາພາການຈັດປະຕິບັດຂໍ້ສັນຍາບ້ານແຮກສ່ຽວ ແລະ ບັນດາຂໍ້ກໍານົດຕ່າງໆ ຕາມແນວທາງນະໂຍບາຍຂອງພັກ – ລັດ ທີ່ພົວພັນເຖີງລະບຽບຊາຍແດນ ເພື່ອໃຫ້ມີເຄົາລົບຈັດຕັ້ງປະຕິບັດ ປະກອບສ່ວນປົກປັກຮັກສາຊາຍແດນ ສັນຕິພາບ, ມິດຕະພາບ ການຮ່ວມມືພັດທະນາ ເພື່ອສ້າງສາພັດທະນາ ແລະ ປົກປັກຮັກສາຊາຍແດນໃຫ້ມີຄວາມສະຫົງບ, ສືບຕໍ່ຈັດຕັ້ງສັນຍາບ້ານແຮກສ່ຽວບັນດາບ້ານທີີ່ຂື້ນກັບສອງ ເມືອງຕາມລຽບຕາມຊາຍແດນ.
  2. ສືບຕໍ່ເພີ່ມທະວີການຮ່ວມມື ວຽກງານຕ້ານ ແລະ ສະກັດກັ້ນຄະດີ ອາດສະຍາກໍາລຽບຊາຍແດນຄື : ການຄ້າຂາຍຢາເສບຕິດ, ຂີ້ລັກງັດແງະ, ການຫຼີ້ນການພະນັນ, ການໂຄສະນາຊວນເຊື່ອໃຫ້ເຂົ້າສາດສະໜາທີ່ຜິດຕໍ່ລະບຽບກົດໝາຍ, ການແບ່ງແຍກຄວາມສາມັກຄີລາວ – ຫວຽດນາມໃນຂອບເຂດຊາຍແດນ.
  3. ອໍານວຍຄວາມສະດວກ ແລະ ຊຸກຍູ້ ບັນດາຂະແໜງການທີ່ກຽ່ວຂອ້ງ ຂອງສອງເມືອງພົວພັນກັນ ຊວ່ຍເຫຼືອເຊິ່ງກັນ ແລະ ກັນໃນວຽກງານວິຊາສະເພາະ ຮ່ວມມືການຕ້ານ ແລະ ສະກັດກັ້ນພະຍາດລະ ບາດ, ໄພທໍາມະຊາດ ແລະ ອື່ນໆ. ບັນດາຂະແໜງການທີ່ກ່ຽວຂ້ອງທັງສອງເມືອງ ຕ້ອງເປັນເຈົ້າການ ກໍາສະພາບການທີ່ເກີດຂື້ນຕົວຈິງ ແລກປ່ຽນຂໍ້ມູນຂ່າວສານ, ເພື່ອສ້າງແຜນນໍາສະເໜີຂັ້ນເທິງ ຊອກຫາວິທີແກ້ໄຂໃຫ້ທັນກັບສະພາບການ ຕາມຄວາມສາມາດຂອງແຕ່ລະຝ່າຍ.
  4. ສືບຕໍ່ການຮ່ວມມືທາງດ້ານເສດຖະກິດ ເປັນຕົ້ນການພັດທະນາພື້ນຖານໂຄງລ່າງ ບໍລິເວນເຂດຊາຍແດນ ຍົກລະດັບເສັ້ນທາງລະໄລ ເມືອງສະໝ້ວຍ ຫາປະຕູ S3 ກູຕາຍ – ຫົງເວິນ ໃຫ້ສາມາດໄປມາໄດ້ສະດວກ.
  5. ສອງຝ່າຍຕ້ອງແຈ້ງຂ່າວໃຫ້ກັນຊາບ ສືບຕໍ່ອໍານວຍຄວາມສະດວກ ໃຫ້ປະຊາຊົນສອງເບື້ອງຊາຍແດນ ແລະ ຫົວໜ່ວຍທຸລະກິດ ໃນການຊື້ຂາຍແລກປ່ຽນເປັນຕົ້ນ ແມ່ນການເຂົ້າມາເກັບຊື້ຜະລິດກະສີກໍາຈາກເມືອງສະໝ້ວຍຄື : ມັນຕົ້ນ, ສາລີ, ໄມ້ປູກເປັນວັດຖຸດິບ ຮັບໃຊ້ການຜະລິດພ້ອມທັງສົ່ງເສີມປະຊາຊົນປູກໄມ້ ແລະ ມັນຕົ້ນ ເພື່ອຕອບສະໜອງຕາມຄວາມຕ້ອການຂອງຫົວໜ່ວຍການຜະລິດ ສະເໜຮຝ່າຍເມືອງສະໝ້ວຍ ສືບຕໍ່ເອົາໃຈໃສ່ ບົວລະບັດຕົ້ນໄມ້ກິນໝາກ ທີ່ໄດ້ຮັບການຊ່ວຍເຫຼືອຜ່ານມາ, ເມືອງອາເລື້ອຍຈະໜອງວັກຊິນປາກເປືອຍລົງເລັບໃຫ້ເມືອງສະໝ້ວຍ.
  6. ເມືອງອາເລື້ອຍຈະຈັດຕັ້ງທີມງານ ຄະນະການແພດມາຢ້ຽມຢາມ ແລະ ຊ່ວຍເຫຼືອລ້າ ການກວດພະຍາດ ແລະ ແຈກຢາຍຢາປິ່ນປົວພະຍາດ ໃຫ້ປະຊາຊົນບ້ານໂກຕ່າຍ ຂອງເມືອງສະໝ້ວຍໃນປີ2014. ເມືອງສະໝ້ວຍຊີ້ນໍາໃຫ້ຫ້ອງການສາທາ ແລະ ໂຮງໜໍເມືອງ ຕ້ອງວ່ອງໄວໃນການນໍາສົ່ງຄົນເຈັບມາໂຮງໝໍເມືອງອາເລື້ອຍ ເພື່ອໄດ້ຮັບການປິນປົວຢ່າງທັນການ.
  7. ເພີ່ມທະວີການຮ່ວມມືພັດທະນາເສດຖະກິດ ບໍລິເວນເຂດຊາຍແດນ ຊ່ວຍເຫຼຶອກັນພັດທະນາ ເສດຖະກິດເປັນຕົ້ນແມ່ນໃນຂົງເຂດກະສີກໍາປ່າໄມ້, ເມືອງອາເລື້ອຍສືບຕໍ່ຊ່ວຍເຫຼືອ ທາງດ້ານງົບປະມານເພື່ອປະຕິບັດໂຄງການພັດທະນາການຜະລິດກະສີກໍາ ທີ່ເມືອງສະໝ້ວຍຄືດັ່ງທີ່ໄດ້ປະຕິບັດໃນປີຜ່ານມາ .
  8. ເມືອງອາເລື້ອຍ ເຫັນດີຈະສະໜອງທາງດ້ານງົບປະມານຈໍານວນໜື່ງ ເພື່ອປະກອບສ່ວນສ້າງໂຮງຮຽນອະນຸບານ ບ້ານໂກຕ່າຍເປັນບ້ານແຮກສ່ຽວ ລຽບຊາຍແດນ.

ການພົບປະປຶກສາຫາລື ປະຈໍາປີ 2015 ຈະໄດ້ຈັດຂື້ນຢູ່ທີ່ເມືອງອາເລື້ອຍໃນກາລະເວລາທີ່ເໝາະສົມ( ເມືອງອາເລື້ອຍເປັນຜູ້ແຈ້ງການ ). ການພົບປະແລກປ່ຽນໃນຄັ້ງນີ້ ໄດ້ສໍາເລັດລົງໃນແລງຂອງວັນດຽວກັນ ທ່າມກາງບັນຍາກາດເຕັມໄປດ້ວຍຄວາມສາມັກຄີຮັກແພງ.

 

 

 

 

 

 

 

 

 

 

 

 

 

 

 

 

 

 

 

 

ອອກ​ຈາກ REPLY ເປັນ

Please enter your comment!
Please enter your name here