ຜົນສໍາເລັດກອງປະຊຸມຄົບຄະນະບໍລິຫານງານພັກເມືອງໆສະໝ້ວຍ ຄັ້ງທີ  XII ສະໄໝ VII

ຜົນສໍາເລັດກອງປະຊຸມຄົບຄະນະບໍລິຫານງານພັກເມືອງໆສະໝ້ວຍ

ຄັ້ງທີ  XII ສະໄໝ VII

ກອງປະຊຸມຄົບຄະນະບໍລິຫານງານພັກເມືອງໆສະໝ້ວຍ ຄັ້ງທີ  XII ສະໄໝ VII  ໄດ້ດໍາເນີນກອງປະຊຸມເລີ່ມແຕ່ ວັນທີ  7 – 8 ສິງຫາ  2018 ເປັນເວລາ 2 ວັນເຕັມ, ພາຍໃຕ້ການເປັນປະທານ ຂອງສະຫາຍ ຄໍາຕາ ໂຮ່ຊົງເລືອງ ກໍາມະການພັກແຂວງ ເລຂາພັກເມືອງ ເຈົ້າເມືອງໆສະໝ້ວຍ, ໃຫ້ກຽດເຂົ້າຮ່ວມຂອງສະຫາຍ ສີເຮັ່ງ ຫອມສົມບັດ ຄະນະປະຈໍາພັກແຂວງ ຫົວໜ້າໂຄສະນາອົບຮົມແຂວງສາລະວັນ, ນອກນັ້ນຍັງມີຄະນະປະຈໍາພັກເມືອງ, ສະມາ ຊິກສະພາປະຊາຊົນທ້ອງຖີ່ນ, ກໍາມະການພັກເມືອງ, ເລຂາ, ຮອງເລຂາຄະນະພັກກຸ່ມບ້ານ, ຫົວໜ້າ, ຮອງຫົວໜ້າຫ້ອງການ ແລະ ບັນດາອົງການທຽບເທົ່າອ້ອມຂ້າງເມືອງເຂົ້າຮ່ວມທັງໝົດ 57 ສະຫາຍ, ຍິງ 8 ສະຫາຍ.

ກອງປະຊຸມໄດ້ຮັບຟັງການເຜີຍແຜ່ຮ່າງບົດສະຫຼຸບຕີລາຄາການນໍາພາຮອບດ້ານຂອງອົງຄະນະພັກເມືອງ ໄລຍະ 6 ເດືອນຕົ້ນປີ 2018 ແລະ ວາງທິດທາງແຜນການເຄື່ອນໄຫວນໍາພາຮອບດ້ານໃນ 6 ເດືອນທ້າຍປີ 2018, ຜ່ານຮ່າງບົດລາຍງານແຜນພັດທະນາເສດຖະກິດ – ສັງຄົມໄລຍະ  6 ເດືອນທ້າຍປີ 2018 ແລະ ວາງແຜນຄາດໝາຍສູ້ຊົນ 6 ເດືອນທ້າຍປີ 2018 ພ້ອມກັນນັ້ນຍັງໄດ້ເຜີຍແຜ່ເຊື່ອມຊືມ ມະຕິ 37/ຄບສພ ຂອງຄະນະບໍລິຫານງານສູນກາງພັກ ວ່າດ້ວຍການຍົກສູງປະສິດທິພາບຄຸ້ມຄອງຂອງລັດ, ຄຸ້ມຄອງສັງຄົມດ້ວຍກົດໝາຍ, ມະຕິ 8 ສະໄໝທີ VIII ຂອງຄະນະບໍລິຫານງານພັກແຂວງ, ບົນພື້ນຖານການລາຍງານດັ່ງກ່າວ ກອງປະຊຸມໄດ້ຄົ້ນຄ້ວາປະກອບຄໍາເຫັນ ແລະ  ໄດ້ສະເໜີດ້ານດີ ແລະ ຕັ້ງໜ້າ, ດ້ານອ່ອນ ແລະ ຂໍ້ຄົງຄ້າງ, ກອງປະຊຸມຍັງຮັບຮອງເອົາທິດທາງແຜນການ 6 ເດືອນທ້າຍປີ 2018.

ທ້າຍສຸດ ທາງຂັ້ນເທິງ ກໍ່ໄດ້ໃຫ້ຄໍາໂອ້ລົມ , ຊີ້ທິດເຍືອງທາງ ແລະ ເນັ້ນໜັກວຽກບາງບັນຫາ ເພື່ອຈະໄດ້ນໍາໄປຈັດຕັ້ງປະຕິບັດ:

  1. ມອບໃຫ້ບັນດາສະຫາຍຄະນະປະຈໍາພັກ, ຮອງເຈົ້າເມືອງຊີ້ນໍາແຕ່ລະຂົງເຂດ ແລະ ກຸ່ມບ້ານລົງເລິກຊີ້ນໍາ ແລະ ນໍາພາກວດກາຊຸກຍູ້ບັນດາຫ້ອງການຂະແໜງການ – ອົງການທຽບເທົ່າ ແລະ ກຸ່ມບ້ານເພື່ອຈັດຕັ້ງປະຕິບັດແຜນວຽກຂອງຕົນໃຫ້ສໍາເລັດຕາມຄາດໝາຍ.
  2. ມອບໃຫ້ຄະນະພັກເມືອງ, ຫົວໜ້າຫ້ອງການ, ເລຂາພັກກຸ່ມ 4 ກຸ່ມບ້ານເອົາໃຈໃສ່ຄົ້ນຄ້ວາເຜີຍແຜ່ເຊື່ອມຊືມມະຕິ ແລະ ແຜນພັດທະນະເສດຖະກິດ-ສັງຄົມ ໃຫ້ພະນັກງານສາມະຊິກພັກ, ພະນັກງານລັດຖະກອນ ແລະ ປະຊາຊົນບັນດາເຜົ່າ ພ້ອມກັນນໍາເອົາເນື້ອໃນຈິດໃຈກອງປະຊຸມຄັ້ງນີ້ໄປຈັດຕັ້ງຜັນຂະຫຍາຍເຂົ້າໃນວຽກງານຂອງຕົນໃຫ້ປະກົດຜົນເປັນຈິງ.

ອອກ​ຈາກ REPLY ເປັນ

Please enter your comment!
Please enter your name here