ຜົນສໍາເລັດກອງປະຊຸມໃຫ່ຍ ຄັ້ງທີ VII ຂອງໜ່ວຍພັກຫ້ອງວ່າການປົກຄອງເມືອງສະໝ້ວຍ

ໃນຕອນເຊົ້າວັນທີ 6 ທັນວາ  2018 ຜ່ານມານີ້ ໜ່ວຍພັກຫ້ອງວ່າການປົກຄອງເມືອງສະໝ້ວຍ ໄດ້ເປີດກອງປະຊຸມໃຫ່ຍຄັ້ງທີ VII ຂອງໜ່ວຍພັກຫ້ອງວ່າການປົກຄອງເມືອງສະໝ້ວຍຂື້ນຢ່າງເປັນທາງການ  ເຊີງໄດ້ຕີລາຄາການຈັດຕັ້ງປະຕີບັດວຽກງານໃນໄລຍະ 5 ປີຜ່ານມາ ແລະ ວາງແຜນທິດທາງໃນຕໍ່ໜ້າ, ພ້ອມທັງເລືອກຕັ້ງເອົາເລຂາໜ່ວຍພັກຊຸດໃໜ່ ໂດຍພາຍໃຕ້ການເປັນປະທານ ຂອງສະຫາຍ ບາເລ ບຸນສະຫວ່າງ ເລຂາໜ່ວຍພັກຫ້ອງວ່າການປົກຄອງເມືອງ, ໃຫ້ກຽດເຂົ້າຮ່ວມໂດຍ ສະຫາຍ ວິໄລສັກ ພົມພັກດີ ຮອງເລຂາ – ຮອງເຈົ້າເມືອງໆສະໝ້ວຍ, ມີບັນດາທ່ານ ເລຂາໜ່ວຍພັກອ້ອມຂ້າງເມືອງ, ສາມະຊີກພັກສໍາຮອງ ແລະ ສົມບູນເຂົ້າຮ່ວມ 38 ສະຫາຍ.

ຕະຫຼອດໄລຍະ 5 ປີຜ່ານມາ 2013 – 2018 ສາມາດຕີລາຄາດ້ານດີ, ຂໍ້ຄົງຄ້າງ ແລະ ຖອດຖອນບົດຮຽນທີ່ຖອດຖອນໄດ້, ຊື່ງໄດ້ເອົາໃຈໃສ່ສຶກສາອົບຮົມການເມືອງແນວຄິດ, ວຽກງານການສ້າງຂະບວນການຕ່າງໆ.

ກອງປະຊຸມຍັງໄດ້ປ່ອນບັດຄັດເລືອກເອົາເລຂາພັກໜ່ວຍຫ້ອງວ່າການຊຸດໃໜ່ ເຊີ່ງມີຜູ້ສະໜັກທັງໜົດ 5 ສະຫາຍ, ຍິງ 1 ສະຫາຍ, ເລືອກເອົາ 3 ສະຫາຍ, ຜ່ານການປ່ອນບັດຄັດເລືອກໄດ້ ສະຫາຍ ບາເລ ບຸນສະຫວ່າງ ເປັນເລຂາໜ່ວຍພັກຫ້ອງວ່າການ, ສະຫາຍ ສົມສັກ ແກ້ວບຸນຜາ ເປັນຮອງເລຂາ  ທັງເປັນປະທານກວດກາ ແລະ ສະຫາຍ ແດງ ເປີຄໍາເພົາວັນ ເປັນຄະນະໜ່ວຍພັກຫ້ອງວ່າການປົກຄອງ.

ຈາກນັ້ນຍັງໄດ້ປ່ອນບັດຄັດເລືອກເອົາຜູ້ແທນສົມບູນ ໄປຮ່ວມກອງປະຊຸມໃຫ່ຍ ຄັ້ງທີ VIII ຂອງອົງຄະນະພັກເມືອງສະໝ້ວຍ ເຊີ່ງມີຜູ້ສະໜັກທັງໜົດ 4 ສະຫາຍ, ຍິງ 1 ສະຫາຍ, ເລືອກເອົາ 2 ສະຫາຍ, ຜ່ານການປ່ອນບັດຄັດເລືອກໄດ້ ສະຫາຍ ສົມສັກ ແກ້ວບຸນຜາ ແລະ ສະຫາຍ ແດງ ເປີຄໍາເພົາວັນ ເປັນຜູ້ແທນສົມບູນ ແລະ ສະຫາຍ ນ. ສຸດຖະໜອມ ສຸລິຍະວົງເປັນຜູ້ແທນສໍາຮອງ.

ສຸດທ້າຍ ສະຫາຍ ວິໄລສັກ ພົມພັກດີ ຮອງເລຂາ –  ຮອງເຈົ້າເມືອງ ກໍ່ໃຫ້ກຽດຂື້ນໂອ້ລົມ ແກ່ຄະນະໜ່ວຍພັກຊຸດໃໜ່, ສະມາຊີກພັກສົມບູນ ແລະ ສໍາຮອງພາຍໃນໜ່ວຍ  ເພື່ອເປັນການຊີ້ທິດເຍືອງໃນການຈັດຕັ້ງປະຕິບັດໜ້າທີ່ວຽກງານໃນຕໍ່ໜ້າ.

IF

 

 

 

 

 

ອອກ​ຈາກ REPLY ເປັນ

Please enter your comment!
Please enter your name here